પ્રિય દીકરાને,
તને મૂકીને ઘરે આવી,
તો ઘર કેટલું વ્યવસ્થિત લાગ્યું!!
હવે કોઇ ઘરમાં સોફા પાસે,
કાદવવાળા બૂટ નથી કાઢતું.
હવે કોઇ ડાઈનિંગ ટેબલ પર,
થાળી અધૂરી નથી છોડતું.
રસોડામાં અચાનક ઘૂસી હવે,
ચા બનાવવા કોઇ નથી કહેતું.
કોઇ સવારે ઉઠવામં આળસ કરી,
મને હેરાન નથી કરતું.
હવે કોઇ મારી બનાવેલી રસોઇમાં,
દરરોજ નવી ખામી નથી કાઢતું.
અને હવે ઘર વ્યવસ્થિત રાખવા,
કોઇને કહેવું નથી પડતું.
દીકરા,જો આ ઘરમાં તું જ એક,
અવ્યવસ્થિત હતો.
તો મને આ ઘરની અવ્યવસ્થા જ
વ્હાલી હતી.
આ વ્યવસ્થા જ મને ભરખી જશે.
-વિરાજ દેસાઇ
